Dekabrın 29-da 2011 ci il tarixində Nəsimi rayon MKS –in 4 saylı filialının işçisi Uğurlu Natəvan tərəfindən Sarabski adına Mədəniyyət evində xalq şairi Nüsrət Kəsəmənlinin anadan olmasının 65 illik yubileyi təşkil olunmuşdu.
Tədbirdə şairin həyat yoldaşı Rəhilə xanım və oğlu Rəşad Kəsəmənli, eləcə də Kəsəmənli ailəsinə yaxın olan insanlar və kitabxana işçiləri iştirak edirdilər.
Tədbir iştirakçı Nofəl Ümidin səhnə arxasından şairin sözlərini səsləndirməsi ilə başladı. Sonra aparıcılar Sitarə hüseynova və Gülnar Əsədova səhnəyə çıxaraq tədbiri açıq elan etdilər.
Nüsrət Kəsəmənlinin yaradıcılığının işığına toplaşan gənclər onun şerlərini oxudular, şairi böyük sevgi ilə yad etdilər.
Tədbirdə N.Kəsəmənlinin "Bir sevda ağlayır", "Yandır məktublarımı", "O qərib axşamlarda" və s. sevgi şerlərilə yanaşı mənfur qonşularımıza həsr etdiyi "Dilənçi" və dövrümüzün eybəcərliklərinə həsr etdiyi "Oğru olmaq istəyirəm" şeri Sevinc İmanova tərəfindən səsləndirildi.
Tədbir Nofəl Ümidin səhnə arxasından "Mənsiz dünya" şerini səsləndirməsi ilə başa çatdı. Sonda şairin həyat yoldaşı Rəhilə xanım ailə üzvləri adından Natəvan Uğurluya belə bir gecəni təşkil etdiyinə görə təşəkkür etdi və oxucularla xatirə şəkli çəkdirdi.
