Əvvəlki adı M.Əzizbəyov adına olan kitabxana Nəsimi rayonu ərazisində M.Füzuli küçəsindəki 39 saylı binada yerləşir. Kitabxana 1921-ci ilin avqust ayının 15-dən təşkil edilib. 1924-cü ildən yuxarıda adı çəkilən binada fəaliyyət göstərir. 1922-ci ilin may ayının 19-dan kitabxana M.Əzizbəyovun adını daşıyır. Kitabxana 256kv.m. sahəni əhatə edir.
2011-ci ilin yanvar ayından MKS-lərin yaradılması ilə əlaqədar olaraq kitabxananın adı yerləşdiyi rayon üzrə Nəsimi MKS- i adlandırıldı.
Kitabxananın iş rejimi Bakı Şəhəri Mədəniyyət və Turizm İdarəsinin rəisi Ə.Əliyevin 2008-ci il tarixli 46 saylı əmrinə əsasən dəyişdirilərək bir saat fasilə olmaqla iş vaxtı saat 10.00-dan 19.00-dək uzadılmışdır. Kitabxananın iş rejimində kitabxananın ümumi istirahət günü ləğv edilərək fasiləsiz iş rejiminə keçirilmişdir.
Qış vaxtına keçirilməsi ilə əlaqədar olaraq nahar fasiləsi götürülərək iş saatı əvvəlki qayda üzrə 10.00-dan 18.00-dək müəyyənləşdirilmişdir.



Ümumilikdə kitabxananın abonoment vasitəsilə xidmət dairəsi Zərgərpalan, C.Cabbarlı, L.Tolstoy, İ.Əbilov küçələri və Azadlıq prospekti arasındakı ərazilərdir. Qiraət zalı vasitəsilə kitabxana bütün müraciət edən oxuculara kitabxana xidməti göstərir. Kitabxanada mövcud fondun ümumi həcmi 77188 nüsxədir.Bu nəşrlərin 5859 nüsxəsi latın qrafikalı nəşrlərdir.Kitab verlişi isə 205851 dir.
Ümumilikdə kitabxanada 5 şöbə fəaliyyət göstərir.
Xidmət
Kitabxananlar arası abonoment
Qiraət zalı
Kitabişləmə və komplektləşdirmə
Elektron informasiya və biblioqrafiya proseslərinin avtomatlaşdırılması şöbəsi
Kitabxana şəhərin mərkəzində M.Füzuli və R.Rza küçələrində yerləşdiyi üçün bir sıra dövlət müəssisələri, təhsil və mədəniyyət ocaqları, sağlamlıq və tibb mərkəzləri, hüquq məsləhətxanaları və digər dövlət qurumları ilə əhatə olunub. Bütün bu dövlət müəssisə və qurumların əməkdaşlarına xidmət dairəsinə müvafiq olaraq həm abonoment, həm də qiraət zalı vasitəsilə kitabxana xidməti göstərilir.